小妹大少嘆世界

[芽莊] Day 5: Sen Spa 高質平價massage

最後一日的行程，就是去按摩!

一早預約了Tripadvisor 排名第一的 Sen Spa，做90 分鐘的熱石精油按摩 (HK$188)

環境乾淨整潔，技師非常專業，手法很好，是有泰國的級數，而價錢是泰國同級的一半而已啦。

早知道前一晚應該要來再按摩多一天才對，呢間SEN SPA 我地一致非常推薦。

午餐時間，食多次快靚正的The Local 4，再叫炒聖子炒花甲~! 要食足咁多日海鮮!

食埋午餐，1點多就要搭車去機場啦。記住要預足2小時去機場，因為機場安檢很花時間!

今次的芽莊之旅，每人的機票酒店食宿全包，5日4夜每人只花了HK$5000 (嘩!) ，飛2小時就可以有如此享受，真係想不到有任何原因不再回來!

[芽莊] Day 4: 初試泥漿浴

今日當然要早早起身去食早餐再游水啦 (點解好似咁忙既)

朝早一起身，係床上就見到呢個美景

早餐有好豐富的選擇，亦有好多鮮柞果汁，好開心。

Mia 都有海灘，但好大浪，唔岩游水。要去海灘，都係出外島好D ，市區的海灘都係屬於大浪。

食完早餐，人少少快快手再跳入泳池!

差唔多成個泳池都只得我地! 任玩任影都得~

玩完public pool，又要返去玩private pool，好忙呀!

大少話要俾返D "me time"佢，訓下吊床玩電話

呢間Resort 真係無時無刻都靚到畫一樣! 快樂的時間又係要講BYE BYE，我地最後一晚係出返市區。

放底行李後，食返個越南粉先啦。

今日下午的行程呢，就係去I - Resort 浸泥漿浴!!

I - Resort 係距離市區15分鐘車程的溫泉公園，有點原始，類似大陸的溫泉公園，可能因為是假日，本地遊客大陸客都很多，玩一次泥漿浴連浸溫泉公園泳池，大概HK$70。

泥漿浴據說是有美容功效，浸一次20分鐘，有工作人員計時，浸完會有公眾沖身的設施，然後就可以去泳池。

既然是芽莊的著名景點，我們便到此一遊~ 但和前兩天豪華RESORT 相比，如果你時間有限，呢個有點簡陋的景點就可來可不來了。

玩完泥漿浴，我地因為CALL 車時錯誤在市中心下車，結果誤打誤撞在街頭小巷吃了一碗生牛河。

味道係正常既，但係周圍好多昆蟲，然後前面又有好多電單車奔馳，真係好唔習慣。店主收左我地5萬盾一碗，後尾諗落佢應該係開高左價。無理由街邊檔會賣同旅遊區鋪頭同價。不過試一次就無所謂啦。

跟著GOOGLE MAP 很辛苦的走到了賣扎肉的名店。

幸好芽莊用GRAB CALL 車很方便，否則要在市中心車來車往的地方過馬路真的很艱難。

遊客都是逗留在遊客區足夠了。

晚上走過一個很無趣的夜市。係芽莊係唔會買到野，手信都好難揀。

隨意去進一間餐廳，竟然很喜出望外，飲品非常有質素，而越式海鮮火窩原來是冬蔭湯底，很可口!! 我覺得越南菜真的很岩我胃口，雖然賣相普普，但味道真係好OK，已經又唔貴，每餐都食得好開心。

今晚住Liberty Central Nha Trang (HK$500晚連早餐)，比第一晚的Starcity Nha Trang 舊一點，但因為距離海邊遠些，所以音樂算是靜一點啦。不過再揀，我都係會揀住多晚Resort。